Облыс әкімі Атырауда жүк вагондарын шығаратын жалғыз кәсіпорынның жұмысымен танысты. Өңір басшысы Серік Шапкенов өңірдегі вагондардың өндірісімен айналысатын «TEXOL» кәсіпорнында болып, атқарылып жатқан жұмыстармен танысты.
2027 жылға дейін компания жылына 6 000 жүк вагонын шығаруды жоспарлап отыр.
Атырауда мұнай мен газды тасымалдауға арналған вагондар мен цистерналар өндірісі іске қосылады, сондай-ақ жөндеу мен қызмет көрсетуге арналған барлық инфрақұрылымды қамтитын вагон жасау кластері дамитын болады. Мұнда мұнай-газ цистерналары, 40 футтық және 80 футтық фитинг платформалары, люктік жартылай вагондар және жабық цистерналар, сондай-ақ вагон өндіруге арналған жиынтықтардың едәуір бөлігі шығарылады. Болашақта өндіріс өнімдері ішкі нарықтан басқа елдерге экспортталатын болады.
Қазіргі уақытта өндірістік алаң 17 000 шаршы метрді құрайды. Алдағы уақытта бұл алаң 62 000 шаршы метрге дейін кеңейтіледі.
Қазір өндірісте жүзден астам маман жұмыс істейді. Жыл соңына қарай 300, ал 2027 жылға қарай 2 700 маман тұрақты негізде жұмысқа орналасатын болады. Мамандардың көпшілігі жергілікті тұрғындар.
Компанияда Атырау техникалық колледждерімен меморандум жасалды, соның негізінде дуальды оқыту жүйесі бойынша кәсіпорынға қажетті мамандықтарды оқыту бойынша жоба әзірленіп, келіссөздер жүргізілуде.
Бірінші кезеңде Атыраудың автоөнеркәсіптік кластерін дамытуға салынған инвестициялар көлемі 170 миллион доллардан асады.
Баспасөз қызметі: press@texol.co